Көмеш кыңгырау

«Сүзе - сездән, көе - бездән!» бәйгесенә катнашыгыз

«Көмеш кыңгырау»га багышланган шигырьләр конкурсы игълан итәбез.

Бу бәйгедә 8-17 яшьлек балалар катнаша ала. Яраткан газетаң турында язган шигырьләреңне komesh_k@list.ru электрон почтасына юлла, «бәйгегә» дип тамгаларга да онытма.

Иң шәп шигырьләр, әлбәттә, «Көмеш кыңгырау»да басылачак. Ә беренче урын алган авторның сүзләренә композитор, «Будильник» телканалының баш мөхәррире Ильяс Гыйләҗетдин көй язачак.  

Конкурста 1-3 урын алган балаларга «Көмеш кыңгырау»ның махсус дипломы һәм истәлекле бүләкләр тапшырылачак.

Бәйгегә 18нче апрельдә старт бирелә. Шигырьләрне 1нче октябрьгә кадәр кабул итәбез. Бәйгенең нәтиҗәләрен 17нче октябрьдән дә соңга калмыйча игълан итәчәкбез.

Әйдә, үзеңне сынап кара!

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: