«Шигъри тәлгәшләр» төбәкара бәйгесе

Чаллының «Үзәкләштерелгән китапханәләр системасы» һәм «Көмеш кыңгырау» республика балалар һәм яшүсмерләр газетасы «Шигъри тәлгәшләр» төбәкара бәйгесе үткәрә.

Бәйгенең төп максаты – әдәби иҗатка сәләте булган балаларны һәм яшүсмерләрне барлау, таныту һәм сәләтләрен үстерү.

Бәйгедә 5-15 яшьтәге теләге булган һәркем катнаша ала.

Эшләр түбәндәге номинацияләр буенча кабул ителә:

• «Китап алсаң кулыңа, нур сибелер юлыңа» (китап, китапханә турында шигырь язу);
• «Көмеш кыңгыраулы балачак мәңге күңелләрдә калачак» (мәктәп, укытучы, «Көмеш кыңгырау» газетасы турында шигырь язу);
• «Туган телем - назлы гөлем» (татар теле турында шигырь язу).

Бәйге 2020 елның 14нче сентябреннән 2020 елның 31нче октябренә кадәр 3 этапта уздырыла.

1 нче этап: 14.09.2020–24.10.2020 – эшләрне кабул итү;

2 нче этап: 26.10.2020 -28.10.2020– нәтиҗәләр ясау;

3 нче этап: 29.10.2020 - 31.10.2020– Дипломнар җибәрү.

Бәйгегә кагылышлы сораулар буенча әлеге адрес белән мөрәжәгать итәргә мөмкин: Яр Чаллы шәһәре, Ш. Усманов урамы, 48нче йорт (Яңа шәһәр, 14/01), 12 нче татар китапханәсе, телефон: 35-33-86

Бәйгегә эшләрне cbs_filial12@mail.ru почтасына җибәрегез.

Бәйгенең шартлары турында тулырак укыр өчен сылтама.