«Без – тынычлык чоры балалары»

admin, 5 февраль 2020 - 11:38

1970

Бәйгенең максаты – илебез тарихына карата кызыксыну уяту, буыннар бәйләнешен ныгыту, укучыларыбызны әдәби иҗатка тарту.

2020 ел Бөек Ватан сугышында җиңүнең 75 еллыгы хөрмәтенә Хәтер һәм дан елы дип игълан ителде. Шул уңайдан «Көмеш кыңгырау» газетасы яңа бәйге игълан итә.

Бәйгегә эшләр түбәндәге номинацияләрдә кабул ителә:

1. «Без сугышта юлбарыстан көчлебез,

Без тынычта аттан артык эшлибез...».

Сугышта һәм тылда әби-бабаларның батырлыгы, фидакарьлегенә багышланган эссе.

2. «Сугыш чоры яшьтәшемә хат».

3. «Бу шигырем сезгә, каһарманнар!». Шигырьләрнең күләме – 2-6 строфа.

4. «Тынычлык телим!». Котлау открыткасы (рәсемле һәм теләк-котлаулы открытканың адресаты – яшьтәшләр, замандашлар, сугышта катнашкан әби-бабайлар һ.б.). Открытканың скан-вариантын электрон почтага җибәрелә.

Эшләрнең күләме – 1 биттән артмаска тиеш.

Һәр номинациядә 1-3нче урыннар билгеләнәчәк, җиңүчеләр «Көмеш кыңгырау» газетасының дипломнарына һәм истәлекле бүләкләргә лаек булачак.

Бәйге 2020 елның 1нче февраленнән 1нче июненә кадәр дәвам итә.

Безнең бәйгеләр: «Дәвам итәбез» бәйгесе «Алдымда ак кәгазь»

«Ә без кышка шат кына!»

Следите за самым важным и интересным в Telegram-каналеТатмедиа

Безнең телеграм каналга язылыгыз «Көмеш кыңгырау»