Шигърият
Яшел чирәм, зәңгәр күк!
Фотода: Нижневартовск шәһәреннән Ютазы районы Яңа Каразирек авылына кунакка кайткан Айдар Исмәгыйлев Галия әбисенә чебиләр сакларга булыша.
***
Яшел чирәм, зәңгәр күк!
Урам безне дәшкән күк.
Утырыйкмыни өйдә
Җәйге матур бу көндә?!
Карга халкы да уяу -
Аларга мин чик куям:
Бәбкә-чебине саклыйм –
Һәм такмаклап кабатлыйм:
«Көш, каргалар, китегез!
Безне читләп үтегез!
Курыкмасын чебиләр –
Алар әле нәниләр!»
Лилия Фәттахова
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев