Көмеш кыңгырау

Сафиуллинар гаиләсендә шәп яңалык!

Танылган җырчы Илназ Сафиуллин белән элемтәгә кердек әле. Бик шатлыклы көннәре икән.

Алилә Сафиуллинага 1 яшь тулган! Сез беләсезме Алиләне? Ә аның әтисен – Илназ Сафиуллинны? Бабасы да музыка остасы – танылган композитор Зиннур Сафиуллин аның.

Кызының туган көнендә кунаклар кабул итәрлек булсын дип, Илназ ике ай эчендә шәһәр читендәге өен рәтләп, ясап бетергән. «Ике ай буе утырып торырга да вакыт булмады. Менә яңа гына әти-әниләрне, кунакларны озаттык та, диванга сузылып яттым әле. Хатыным аш бүлмәсендә җыештыра, кызым янымда гөрләп йөри», дип көлеп үз хәлләре белән уртаклашты җырчы. Бәләкәч Алиләне без дә котлыйбыз! Тәти кыз булып үссен!

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: