Мәзәк - күңел ачкычы

***

Укытучы:

– Сәгыйть,  син бу матур ташны каян тапкан идең әле? Менә бу геолог абыйны шул урынга алып барырсың.

Сәгыйть:

– Булмый.

– Ник?

– Чөнки бүген музейда ял көне.

***

Гали Вәлиеч күршесенә шалтырата:

– Самат Хәлимович, малаегызның математика буенча өй эшен эшләдегезме?

– Эшләдем.

– Күчерергә биреп тора алмассыз микән?

***

География укытучысы табибка килә.

– Кай җирегез авырта? – дип сорый тегесе.

– Аягым.

– Кайсы төштән?

– Балтырдан төньякка таба…

***

Эскәмиядә утырган әбиләр янына күрше йортта яшәүче әби килеп туктый:

– Абау, сезнең подъездда нинди тавыш ул? Кычкыралар, акыралар, елыйлар. Берәрсе үлдеме әллә?

– Үлмәде, бер егетне озаталар. Исән кайтырмы, үлеме – билгесез.

– Сугышка китәмени?

– Юк, “Спартак”-ЦСКА матчын карарга.

***

– Гали, – ди укытучы дәрес вакытында, – төрт әле күршеңә, уянсын.

– Ә ни өчен мин? Аның йокыга талуына сез гаепле, ләбаса!