Халык шагыйре Роберт Миңнуллин Инстаграм челтәрендә "Көмеш кыңгырау" газетасына рәхмәтен белдерде

Газетабызның 1нче июнь - Халыкара балаларны яклау көненә багышланган санында Роберт Миңнуллинның "Балаларның көлүе" шигыреннән өзек басылган иде. Шагыйрь үзенең инстаграм челтәрендәге битендә рәхмәтен җиткерә:

"Хәерле иртә, газиз замандашларым-инстадашларым!
Иң изге, иң ихлас теләкләрем сезгә!
"Көмеш кыңгырау" егетләре, кызлары миңа шушындый бүләк эшләгән! Күңелләр күтәрелеп китте!
Ул инде хәзер татар балаларының бердәнбер гәзите! Кадерен белик!"

Роберт Миңнуллин инстаграм социаль челтәренең актив куланучысы, аның 33 мең язылучысы бар. 

Әлеге язмага сылтама: https://www.instagram.com/p/ByURPA0BE4w/