Көмеш кыңгырау

Каһвәнең төрләре

17нче апрель - Халыкара кофе көне. ☕ Бу эчемлекнең төрләре бик күп. Әйдәгез, шулар белән танышабыз.

Эспрессо – иң төп каһвә эчемлеге, аның нигезендә уннарча яңа ысул барлыкка килгән. Эспрессо -каһвә машинасында ясалган алтынсу күбекле кара каты каһвә.

Американо – 1:2 яки 1:3 исәбенә кайнар су белән кушылган эспрессо. Кайчакта кайнар су аерым бирелә. 

Латте – өстенә күпертелгән сөт күбеге һәм җиләк-җимеш сиробы агызылган сөтле эспрессо. 

Капучино – күпертелгән сөт һәм карамель сиробы салынган сөтле эспрессо. 

Лунго – күп итеп су салынган эспрессо. 

Глясе – туңдырма кисәге салынган суытылган каһвә. Трубочка белән эчәләр.

Раф кофе – сөт өсте һәм ванилинлы шикәрле эспрессо. Капучинаторда кабарталар. 

Макиато – эспрессо белән сөтне катлам-катлам итеп агызган каһвә төре. Өстендә сөт күбеге.

Ирландча каһвә – ирланд виские, шикәр комы һәм күпертелгән сөт өсте салынган каһвә төре. 

Ристретто – су күләме ике тапкыр азрак салынган эспрессо. 

Латте макиато – эспрессога караганда сөт 2-3 тапкыр күбрәк салынган макиато. 

Аффогато – өстенә кайнар эспрессо агызылган ванильле туңдырма, ликёр өстәргә мөмкин. 

Айс кофе – бозлы салкын эспрессо, сөт өсте белән бизәлә, корица, шикәр өстәргә мөмкин. 

Фраппе – боз белән катнаштырган, кабартылган сөт өсте салган каһвә төре. 

Бичерин – туринча каһвә, 3 катлы була: сөтле кайнар шоколад, эспрессо һәм кабартылган сөт өсте. Өстен уылган шоколад һәм бөтнек белән бизиләр. 

Доппио – ике порция эспрессо. 

Колд брю – салкын ысул белән пешерелгән кофе (төнәтелгән). 

Кон Панна – каты итеп күпертелгән сөт өсте һәм вакланган корица сибелгән эспрессо. 

Флэт уайт – күбекләндерелгән кайнар сөт өстәлгән ике порция эспрессо. 

Бреве – сөт өсте һәм сөт салынган эспрессо. 

Бомбон (Бонбон) – куертылган сөт салынган кара каһвә. 

Коретто – әз генә граппа яки виски салынган эспрессо. 

Фреддо – сөт, карамель сиробы һәм боз салынган эспрессо. Кабартып эчәләр.

Мокка (Моккачино) – сөт, күпертелгән сөт өсте, карамель сиробы һәм уылган шоколад салынган эспрессо. 

Трипло – өч порция эспрессо. 

Марочино – какао-порошогы салынган, күпертелгән сөт һәм шоколад сиробы белән бизәлгән эспрессо. 

Романо – римча каһвә: лимон согы салынган һәм уылган лимон кабыгы белән бизәлгән эспрессо. 

Бал белән Раф – ванильле шикәр урынына бал салынган раф. 

Кафе-о-ле – французча сөтле каһвә. Эспрессо, американо, туркада пешерелгән кара каһвә нигезендә ясарга мөмкин.

Кон Йело – боз тулы стакан белән бергә бирелә торган эспрессо. 

Торре – бик биек итеп кабартылган сөт күбеге белән бизәлгән ике яки өч порция эспрессо.

Брюло – башта уылган лимон һәм әфлисун кабыгы, уылган корица, канәфер, шикәр һәм коньяк катнашмасын яндыралар. Аннары шуны каһвә белән сүндерәләр. Әлеге эчемлекне сөзеп табынга бирәләр.   

Гибралтар – флэт уайтка охшаган сөтле-каһвәле коктейль, сөт әзрәк күләмдә салына. 

Рэд ай (кызыл күз) – фильтр-кофеваркада пешерелгән каһвә катнашмасы һәм эспрессо. 

Буллетпруф – каһвә, акмай, кокос мае катнашмасы. 

Меланж – сөтле каһвәнең Австрия варианты, кафе-о-лега охшаган. 

Гильермо – лимон урынына лайм салынган романоның Испания варианты. 

Масала – төрле тәмләткечләр салынган Индия каһвәсе, сөт һәм сөт өсте кушып пешерелә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: