Көмеш кыңгырау

Дуслыкның төп кагыйдәләре

Моны һәркем белергә тиеш.

Дуслыкның төп кагыйдәләре

  • Әгәр дустың үзен сиңа карата ямьсез тотса – бу турыда аңа турысын әйт.  Башка болай эшләмәвен сора. Чын дус сүзләреңне игътибарсыз калдырмас.
  • Үзең дустыңны үпкәләтсәң дә гафу үтенергә оялма.  Бәхәстән ике якны да канәгатьләндерерлек юлны табарга тырышыгыз.
  • Дуслар – синең копияң түгел, алар син яраткан нәрсәләрне генә яратырга, синеңчә генә уйларга тиеш түгел.
  • Дуслардан синең белән генә дус булуларын таләп итәргә ярамый.  Алайса бу – дуслык түгел. Ә төрмә булачак.
  • Дуслар белән охшаш якларыгыз күп булса да, һәркемнең үз теләкләре, фикере, мәнфәгатьләре бар. Аларны хөрмәт итәргә кирәк.

 

Кызыклы фактлар

  • Дөньякүләм сораштыру нәтиҗәләре буенча (ә анда 50 шәһәрдән 10 мең кеше катнашкан) иң дустанә шәһәр Сидней икән.
  • Төньяк Каролина университеты галимнәре шундый нәтиҗә ясаган: үзара дустанә мөнәсәбәтләрдә булган кешеләр азрак авырыйлар!
  •  Шимпанзе, бабуин, гиена, ат, дельфин, ярканат, филләр кешеләр белән гомер буе дус булып яши ала.
  • Нәниләр 9 айлык чактан ук дусларча мөнәсәбәткә тартыла башлый.
  • Социаль челтәрләрдәге кулланучыларның 90% ы дуслык реаль тормышта гына булырга мөмкин дип саный.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: