Беләзегем-йөзегем...

Адәм балалары бик борынгыдан металларның һәм ташларның тылсым кө­ченә ия булуына ышанган. Бизәнү әйберләре ясаганда аеруча алтын, көмеш, ак алтын, тимер, бакыр һәм аларның эретмәләре киң кулланылган. Галим Николь Буря металлар турында менә нәрсәләр бәян итә.

 Алтын - оптимистлар, күтәренке рухлылар, үз-үзенә ышанучыларның тугры  дусты. Ул пессимистларны энергияләрен юк-барга сарыф итүеннән саклый. Саран һәм эшсез кешеләрне алтын яратмый. Кеше хакына яшәүчеләрне; ул хәтта җинаять юлына кертергә дә мөмкин. Алтын чылбыр һәм кулоннар көчле йөрәк тибешен тынычландыра. Йөзек үз-үзеңә ышанычны арттыра, авырлыклардан курыкмаска ярдәм итә, хәрәкәткә өнди. Алкалар кимче­лекләрне җиңәргә булыша, кешедә үз-үзенә карата хөрмәт хисен арттыра.; Алтын беләзек үзен йөртүчегә көч бирә.

Көмеш - рухи сафлык билгесе.Уп хуҗасына каршылыкларны әйләнеп узар­га ярдәм итә, күңелдә изге хисләр уята. Кырыс, кансыз һәм хиссез кешеләргә; тискәре йогынтысы да юк түгел. Көмеш йөзек кәефне күтәрә, күңелне сөен-: дерә һәм камил акылга ирешергә булыша. Көмеш алкалар кара көчләрне,: тискәре энергияне читкә куа дип исәплиләр. Чылбыр игътибарны арттыра, кыенлыклардан котылырга ярдәм итә икән. Беләзек исә тәндәге энергияне саклый, кешедә үз-үзенә ышаныч тудыра. Көмеш беркемгә дә зыян китерми, һәр кешенең холкына «яраклаша».

Бакыр - файдалы металл. Әгәр бакыр тәңкәне кан оешкан урынга куеп торсаң,ул шешне тизрәк суыра. Кан басымы югары булган кешеләргә каптыргычсыз, ә аяк тамырлары авыруы белән интегүчеләргә тоташ (ягъни, каптыртычлы) бакыр беләзек кияргә киңәш ителә.

Тимер - яңаны булдырырга,төзергә ярдәм итә, активлыкны арттыра.Тимер йөзекне баш, урта һәм исемсез бармакларга кияргә кирәк.