Көмеш кыңгырау

Яр Чаллы шәһәре

Бу кызык

Артка барырга ярамый!

Кирилл Колесниковны барыгыз да беләдер. Белмичә мөмкинме соң... Танылган паркурчы бит ул. Һәм шуның өстенә блогер, һәм шуның өстенә тиктокер... Аның паркур турында видео-язмалары Инстаграмда, Тик-Ток битендә һәрдаим чыгып тора.

Бер сә­гать эчен­дә – пар­кур­чы бу­ла!

Спорт бе­лән Ки­рилл мәк­тәп­тә үк кы­зык­сы­на. Йө­зү, җи­ңел ат­ле­ти­ка, би­ек­лек­кә си­ке­рү – аның яшәү рә­ве­ше бу­ла. Бер­ва­кыт урам­да оч­рак­лы рә­веш­тә ге­нә тур­ник­та саль­то яса­ган егет­не кү­реп ала һәм... үзе дә шу­лай эш­ләп ка­рар­га бу­ла. Бер сә­гать ди­гән­дә үзе өчен яңа шө­гыль үз­ләш­те­реп, шә­һәр­дә­ге пар­кур-ту­сов­ка­сы­на ки­леп элә­гә... Шу­лай итеп, пар­кур бе­лән про­фес­си­о­наль рә­веш­тә шө­гыль­лә­нә баш­лый. Тре­ни­ров­ка ба­ры­шын чит­тән кү­рер өчен, ви­де­о­га тө­ше­реп, үзе­нең ютуб ка­на­лы­на һәм со­ци­аль чел­тәр­ләр­гә куя. Һәм әле­ге ви­де­о­лар бик тиз по­пу­ляр­лык җыя баш­лый... Әк­рен­ләп ул үзен бло­гер, тик­то­кер бу­ла­рак та та­ны­та.

Ки­рилл – пар­кур бу­ен­ча өч тап­кыр дөнья чем­пи­о­на­тын­да кат­наш­кан һәм ике­сен­дә җи­ңү яу­ла­ган спорт­чы. Ул ак­ро­ба­ти­ка эле­мент­ла­ры бул­ган кү­ңел ачу ви­де­о­ла­ры да тө­ше­рә – алар­да үтеп ба­ру­чы­лар­ны спорт трюк­ла­ры­на өй­рә­тә. Үзе әле­ге трюк­лар­ны кө­тел­мә­гән урын­нар­да баш­ка­ра һәм көн­дә­лек тор­мыш­та да кул­ла­на.

Кар­шы­лык­лар аша үтү

Пар­кур – төр­ле кар­шы­лык­лар аша хә­рә­кәт итү ди­гән­не аң­ла­та. Фран­цуз те­лен­нән «кир­тә­ләр­не җи­ңү» дип тәр­җе­мә ите­лә. Аны спорт тө­ре дип атау бә­хәс­ле, ник ди­гән­дә, мон­да бер-бе­рең бе­лән яры­шу юк. Шу­лай ук га­ди фи­зик за­ряд­ка дип тә атап бул­мас, чөн­ки кат­лау­лы кү­нек­мә­лә­ре бар. Пар­кур­ны сән­гать тө­ре дип атап бу­лыр иде, бу аның күп­сан­лы имп­ро­ви­за­ци­я­ләр­дән то­руы һәм кө­тел­мә­гән­ле­ге бе­лән бәй­ле.

Пар­кур­ның мәгъ­нә­се ал­дан план­лаш­ты­рыл­ма­ган юл бу­ен­ча төр­ле кар­шы­лык­лар­ны узып тиз хә­рә­кәт итү­гә кай­тып ка­ла. Мон­да бас­кыч, өй тү­бә­лә­ре, ба­га­на­лар, шә­һәр ар­хи­тек­ту­ра­сы эле­мент­ла­ры бу­лыр­га мөм­кин. Кай­бер ар­тык һә­вәс­ләр сте­на­лар­га да үр­мә­ли, хәт­та чүп кон­тей­нер­ла­ры­на да си­ке­рә. Пар­кур­ның иң ях­шы эле­мен­ты – кая си­ке­рә­сең­не бел­ми­чә си­ке­рү. Төп прин­ци­бы: арт­ка та­ба хә­рә­кәт итү ты­е­ла. Шу­ны­сы мө­һим: пар­кур та­ма­ша кы­лу өчен оеш­ты­рыл­мый.

Ва­та­ны – Фран­ци­я­дә

Бу спорт тө­ре­нең ва­та­ны – Фран­ция. Трей­сер­лар (пар­кур бе­лән шө­гыль­лә­нү­че­ләр) үза­ра ярыш­мый, алар үз­лә­рен бер ма­вы­гу бе­лән яшәү­че «ту­ган­нар» дип са­ный. Әле­ге спорт тө­ре­нә ни­гез са­лу­чы­лар – Фран­ция спорт­чы­ла­ры Дэ­вид Белл һәм Се­басть­ен Фу­ко. Ике спорт­чы да ба­ла­чак­тан ук гим­нас­ти­ка, җи­ңел ат­ле­ти­ка бе­лән шө­гыль­лә­нә­ләр. Ан­на­ры алар яңа спорт тө­ре уй­лап та­ба­лар. Күпь­ел­лык кү­не­гү­ләр һәм ты­рыш хез­мәт нә­ти­җә­сен­дә, алар бу спорт тө­рен дөнь­я­га та­ны­та.

Яра­тып шө­гыль­лә­нү­че­ләр аны га­ди спорт тө­ре итеп ке­нә тү­гел, яшәү рә­ве­ше бу­ла­рак ка­бул итә! Хә­зер­ге ва­кыт­та күп ке­нә ил­ләр­дә ак­тив кул­ла­ны­ла.

Сак­лык ки­рәк

Спорт бе­лән дус бул­ган ке­ше­нең сә­ла­мәт­ле­ге нык бу­ла. Әм­ма дә лә­кин... Бар ке­ше­гә дә спорт бе­лән про­фес­си­о­наль дә­рә­җә­дә шө­гыль­лә­нер­гә ди­мә­гән. Без­нең күп ке­нә ма­лай­лар һәм кыз­лар ир­тән­ге за­ряд­ка бе­лән ге­нә чик­лә­нә­дер. Га­дәт­кә кер­тә ал­сак, аны­сы да бик ях­шы. Кы­шын, җә­ен – көн са­ен саф һа­ва­да йө­рү яки йө­ге­рү дә ке­ше ор­га­низ­мы­на фай­да ки­те­рә. Җә­ен су ко­е­ныр­га, йө­зәр­гә, көй­мә­дә йө­рер­гә, ур­ман­га ба­рыр­га, фут­бол яки бад­мин­тон уй­нар­га мөм­кин. Кы­шын ти­ме­ра­як­та, чаң­гы­да, ча­на­да шуу, хок­кей уй­нау да фай­да­га гы­на.

Ә ме­нә пар­кур – ул бик зур сак­лык та­ләп итә тор­ган спорт тө­ре. Тән сы­гыл­ма­лы­лы­гы, җи­тез­ле­ге бул­ма­ган, би­ек­лек­тән ку­рык­кан ке­ше аның бе­лән шө­гыль­лә­нә ал­мый! Хә­рә­кәт ит­кән­дә тән­нең җы­лын­ган бу­луы, ега­ла кал­саң – аңа әзер то­ру ки­рәк. Һәр­хәл­дә, чын трей­сер­лар шу­лай ди.  

Следите за самым важным и интересным в Telegram-каналеТатмедиа

Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев