Көмеш кыңгырау

Агыйдел агышлары (Агыйдел сылуына)

Җырлыйк әле бергәләп.

Агыйдел агышлары,
Зифадыр камышлары.
Агыйделнең, бер сылуы
Йөрәгем сагышлады.

Агыйдел яры текә,
Сулары ерак китә,
Язны көткән назлы гөлдәй,
Күңелем аны көтә.

Агыйдел суы саллы,
Дулкыннары ак яллы.
Агыйделкәй буйларында
Аккоштай ярым калды.

Агыйдел яры текә,
Сулары ерак китә,
Язны көткән назлы гөлдәй,
Күңелем аны көтә.

Агыйдел салмак ага,
Аккош канатын кага.
Аккош кебек назлы ярым
Күңел салмас башкага.

Агыйдел яры текә,
Сулары ерак китә,
Язны көткән назлы гөлдәй,
Күңелем аны көтә.

Таңнар аткан чагында
Агыйдел якларында,
Яннарына барыр идем
Дулкын канатларында.

Агыйдел яры текә,
Сулары ерак китә,
Язны көткән назлы гөлдәй,
Күңелем аны көтә.
Резеда Вәлиева сүзләре, Илгиз Закиров көе.

Нравится
Поделиться:
Реклама
Комментарии (0)
Осталось символов: