«Юл һәм мин» бәйгесендә катнашам

Исәнме, «Көмеш кыңгырау». Мин — Диләрә Шәрипова. Актаныш Сәләтле балалар өчен гуманитар гимназия — интернатның 1б классында укыйм. Миңа математика, туган тел, әйләнә-тирә дөнья, рәсем дәресләре бик ошый. Шулай ук җырларга, биергә, төрле театрларда катнашырга бик яратам. Мин төрле техникада рәсемнәр ясыйм. Сез оештырган «Юл һәм мин» бәйгесендә дә бик теләп катнашам. Киләчәктә мин кондитер булырга хыялланам. Үзем пешергән ризыкларны мин матур итеп бизәп, әти-әниемнең, кешеләрнең күңелләрен күтәрәчәкмен.

Диләрә Шәрипова, Актаныш Сәләтле балалар өчен гуманитар гимназия-интернатның 1б класс укучысы.