Зәй кызы Мәскәүдәге югары уку йортына имтиханнарсыз керү хокукына ия булды

Бөтенроссия фән олимпиадаларының физик культура буенча йомгаклау этабында җиңү яулаган, Зәйнең 4нче мәктәбе чыгарылыш сыйныф укучысы Мария Устимкина Мәскәүдәге югары уку йортына имтиханнарсыз укырга керү хокукына ия булды.

Быел апрель аенда 4нче мәктәп укучысы Мария Устимкина өченче тапкыр физкультура буенча Бөтенроссия олимпиадасының йомгаклау этабында җиңүче булды. 

Мәктәп директоры Альбина Ларина укучысын зур җиңү белән котлады.

Ә Мариягә тапшырылган, Россия Халыклар дуслыгы университеты (РХДУ) сертификаты күңелле сюрприз булды. Ул кызга уку йортына имтиханнарсыз керү хокукы бирә, 25 мең стипендия һәм тулай торакта яшәү урыны белән гарантияләнә. Хәзер Мария, үз тормышын медицина белән бәйләргә хыялланып, бу өстенлектән файдаланыргамы яки башка югары уку йортын сайларгамы икәнен хәл итәргә тиеш.

Бу хакта тулырак: https://tatar-inform.tatar/news/zai-kyzy-maskaudage-yugary-uku-iortyna-imtixannarsyz-keru-xokukyna-iya-buldy-5871514