Ел саен бәйрәмдә 300дән артык оештыручы, 2000 катнашучы һәм 150 мең тамашачы катнаша. 

Чараның нечкәлекләре турында Башкарма комитет җитәкчесе урынбасары Рамил Хәлимов сөйләде.

Интерактив мәйданчыклар 16:00дән эшли башлаячак.

«Яшьләр кварталы» мәйданчыгында шәһәр халкы һәм кунаклары кавер-төркем һәм шәһәребезнең автор-башкаручылары чыгышларын, OPEN SPACE MARKET Татарстанның яшь дизайнерлары мәйданчыгы шәһәр күргәзмәсенн карый алачак. Өстәвенә уникаль дизайнер киемнәре, бизәнү әйберләре, табигый косметика, интерьер һәм декор әйберләре белән танышып һәм сатып алып булачак. Параллель рәвештә иҗади мастер-класслар да эшләячәк. 

«Погружение» шәһәр иммерсив театры фестивале шәһәребезнең яшьләр һәм студентлар театр командалары тарафыннан куелган спектакльләрне тәкъдим итәчәк.

Лэнд-Арт фестиваль арт-объектлар булдыру юлы белән табигый материал белән эшләүнең яңа һәм популяр сәнгатен күрсәтәчәк. Фестиваль кысаларында катнашучы командалар шәһәребезнең җәмәгать киңлекләрен бизәячәк биш арт-объектны җыячак.

#Гренада Drone Team проекты спортчылары «дроннарда мобиль трассада узыш» юнәлеше буенча квадрокоптерлар белән идарә итү күнекмәләрен күрсәтәчәкләр.

Яшьләр көне уңаеннан «Двор ART» граффити фестивале старт алды, ул микрорайонның уңайлы мохитен булдыруга һәм шәһәр тирәлегендә граффити куллануның уңай мисалларын пропагандалауга юнәлтелгән.

«У.Р.Б.А.Н. соцлаб» интерактив шәһәр лабораториясе кысаларында шәһәр халкына һәм кунакларына яшь социолог җитәкчелегендә «Безнең шәһәр»нең һәм «Хыял шәһәре»нең нинди булырга тиешлеге турында уйланырга тәкъдим итәчәкләр.

Спорт юнәлеше берничә зонадан торачак: «Велофест»  – Чаллы шәһәре предприятиеләре һәм оешмалары – «Ремдизель», «КАМАЗ», «КАМА» автомәктәбе, «РИАТ» белән берлектә оештырылган эшче яшьләр активыннан торган мәйданчык.

Чаллыда 2020 елда ачылган doaflip мәйданчыгында яшьләр үз осталыкларын күрсәтәчәкләр һәм үз осталарының күрсәтмә чыгышларын оештырачаклар.

Шулай ук яшьләрнең яраткан мәйданчыкларының берсе – автотюнинг эшләячәк. Аерым зур күргәзмәне КАМАЗларның модельле рәте тәкъдим итәчәк.

17: 00 сәгатьтән «Яр буе» паркы мәйданында Чаллы халкы һәм шәһәр кунаклары өчен концерт программасы башланачак. «Голос Челнов 2.0» проекы, «Созвездие-Йолдызлык» һәм «Студентлар язы» фестивальләре финалистлары бәйрәм кунакларын заманча музыка һәм бәйрәм кәефе белән тәэмин итәчәк. Шулай ук «Планка мьюзик» продюсерлык үзәге, вокал һәм хореография студияләре чыгышлары, спортчыларның күрсәтмә чыгышлары, яшьләр модасы күрсәтеләчәк.

Бәйрәм программасын техник блок ачачак, аның кысаларында «Наиком» һәм «Ночные волки» мото клублары парады, ТОР CARS автоклублары парады, «Покатушки 4 на 4» оештырылачак. Шулай ук КАМАЗ Мастер-юниор (картлар, баггилар) командасы тәрбияләнүчеләренең күрсәтмә чыгышлары, "КАМАЗ-Мастер" командасыннан һәм ТОР CARS автоклубы лидерларының экстрим-шоу чыгышлары булачак.

Бәйрәм программасында «ЧелныDance» яшьләр фестивале, җиңүче команда кубок һәм кыйммәтле призлар белән бүләкләнәчәк.

Татарстан Республикасында цифрлаштыру елының темасы хәзерге заман юнәлешләре һәм бию стильләре буенча биюләрдә чагылыш табачак. Россия халыкларының халык сәнгате һәм мәдәни мирасы елында Фестивальдә катнашучылар рус һәм татар халык көйләре темаларына попуррилар тәкъдим итәчәк.  

Бәйрәм программасы мәгълүмати партнер "СТВ-Медиа" холдингыннан ENERGY-дискотека  белән тәмамланачак. Диджейлар – махсус чакырылган артистлар, DJ, МС һәм "ENERGY Мәскәү шәһәре" радиосының «ЈОУстики» тамашасының танылган алып баручылары Богдан Кантемиров һәм Роман Миронов булачак.  

Чаллыда Яшьләр көненең төп йолдызлары – бертуган Тимур һәм Ильяс Гаязовлар – Gayazovs Brothers.

 Бәйрәм 22:00 сәгатьтә салют белән тәмамланачак. 

Чыганак: http://nabchelny.ru/news/47746