Татарстан лагерьларында Лисичансктан 280 бала ял итәчәк

Татарстанда ЛХР балаларының ялын оештыру буенча программаны гамәлгә ашыру дәвам итә. Чаллыдан 11 километр ераклыкта урнашкан «Саулык» сәламәтләндерү үзәгендә 8 августта өченче смена старт ала, анда Лисичанскидан 280 бала ял итәчәк. Бу хакта ТР Яшьләр эшләре министры Ринат Садыйков хәбәр итте.

"Җәй дәвамында Лисичанскидан 218 бала өчен ял оештырылды. Август аенда тагын 280 баланы көтәбез. Безнең өчен балалар өчен сыйфатлы һәм куркынычсыз ял оештыру мөһим.

Катнашучылар өчен балалар һәм яшьләрнең иҗади потенциалын үстерүгә юнәлдерелгән төрле чаралар оештырыла. Балалар белән психолог индивидуаль һәм төркем эше алып бара, бу балаларга яшьтәшләре, ата-аналары һәм педагоглары белән мөнәсәбәтләр төзүдә, индивидуаль проблемаларны хәл итүдә уңай йогынты ясый. Шулай ук һөнәри юнәлеш бирү программалары гамәлгә ашырыла, алар балаларны киләчәк һөнәрләрен аңлы рәвештә сайларга ярдәм итә», - дип билгеләп үтте Ринат Садыйков.

Һәр сменада тәрбияләүнең мөһим аспектларына – юл хәрәкәте кагыйдәләренә, экологиягә, куркынычсызлык техникасына, Россия халыкларының матди булмаган мәдәни мирасына, Ватанга мәхәббәткә һәм патриотизмга һәм башкаларга багышланган мәҗбүри чаралар блогы гамәлгә ашырыла.  

Масштаблы чараларның берсе – КАМАЗ көннәре, анда балаларны җитештерү, эшнең төрле юнәлешләре белән таныштыралар һәм мастер-класслар үткәрәләр.  Шул исәптән, балалар сменасында катнашучыларның барысы өчен дә психолог белән индивидуаль һәм төркем эше алып барыла, бу балаларга яшьтәшләре, ата-аналары һәм педагоглары белән мөнәсәбәтләр төзүдә, индивидуаль проблемаларны хәл итүдә уңай йогынты ясый. Шулай ук һөнәри юнәлеш бирү программалары гамәлгә ашырыла, алар балаларның киләчәк һөнәрен аңлы сайлавына ярдәм итә.

Шунысын да билгеләп үтәргә кирәк, «Саулык»  составына «Йолдызлы», «Канатлы», «Кояшлы» сәламәтләндерү лагерьлары һәм «КАМАЗ» шифаханә-профилакторие керә.

Комплекс составында 27 йокы корпусы, 43 ашханә корпусы, 350 урынлы актлар залы, 2500 урынлы җәйге эстрада мәйданчыгы, бию, ял заллары, һәр лагерьда спорт мәйданчыклары җиһазландырылган. Комплексның сыйдырышлылыгы 2000 кеше тәшкил итә.

https://mon.tatarstan.ru/index.htm/news/2220968.htm