Көмеш кыңгырау

Яр Чаллы шәһәре

Ачык ишек

Мөслим кызы Азалия Юнысова халыкара спорт уеннарында бронза медаль яулады

Медаль иясе – Мөслим районы Олы Чакмак авылы кызы Азалия Юнысова. 

Владивосток шәһәрендә «Азия балалары-2022» исемле VII Халыкара спорт уеннары узды. Анда барлыгы 13 илдән – Әрмәнстан, Пакыстан, Һиндстан, Иран, Монголия кебек илләрдән 1300дән артык спортчы катнашты. 35 медаль яулап, Татарстан Республикасы спортчылары медаль зачетында бишенче урынны алды.

Бу хакта http://muslumirc.ru сайты хәбәр итә.
Татарстан Республикасы җыелма командасы составында Мөслим спорт мәктәбе укучылары Самат Ногманов һәм Азалия Юнысова да бар иде. Алар спортның әлегә кадәр олимпиада уеннары исемлегенә кертелмәгән төре – көрәш буенча осталыкларын күрсәттеләр. 
2007-2008 елларда туган егетләр һәм кызлар өчен көрәш турниры 6 август көнне үтте. Уен нәтиҗәләре мөслимлеләргә бронза медаль китерде. Медаль иясе – Мөслим районы Олы Чакмак авылы кызы Азалия Юнысова. 
Азалия быел 7 сыйныфны тәмамлаган. Инде дүрт ел спорт мәктәбендә билбау көрәше буенча өстәмә белем ала.  2021 елда билбау көрәше буенча үткәрелгән республика ярышларында икенче урынга лаек була.


Сирена Фәсхиева фотосы

Следите за самым важным и интересным в Telegram-каналеТатмедиа

Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев