Быел Менделеевск шәһәренең 7нче мәктәбе татар мәктәбе итеп үзгәртеләчәк.
Менделеевск шәһәренә кунакка чакырдылар безне. Беренче тапкыр! Сәбәбе дә бик җитди, хәтта тарихи икән – быел шәһәрнең 7нче мәктәбе татар мәктәбе итеп үзгәртеләчәк.
– Бу – шәһәр һәм республика җитәкчелеге бергәләп куйган максат, – дип сөйләде Менделеевск шәһәренең мәгариф идарәсе башлыгы Рәис әфәнде Нәҗипов.
Әзерлек эшләрен дә башлап җибәргәннәр инде – татар мәктәбенең концепциясе әзер, бурычлары куелган. Ул милли рухлы балалар тәрбияләү белән беррәттән, шәһәрдәге башка мәктәпләр, дөресрәге милли кадрлар, ягъни татар теле укытучылары өчен милли үзәк булып та хезмәт итәчәк.
Ә иң мөһиме – биредә Габдулла Тукай исемендәге иҗат мәктәбе ачылачак.
– Бер укучыбыз шөгыльләнерме татарча иҗат белән, унмы – ничек кенә булса да иҗат үзәге эшләячәк, – дип ышандырды безне мәктәп җитәкчелеге. Киләчәктә, Аллабирса, театр түгәрәге дә оештыру да күздә тотыла. Һәм татар сыйныфында рәсем, хезмәт, тирә-юньне өйрәнү кебек берничә фән татар телендә укытылачак.
Ә без, «Көмеш кыңгырау»лар, сезгә актив хезмәттәшлек тәкъдим итәбез!
Безнең телеграм каналга язылыгыз «Көмеш кыңгырау»
Нет комментариев