Казанда «УРАМ» экстрим-паркында III Бөтенроссия урам уеннары URBAN GAMES узачак

Быел Urban Games да Россиянең 37 төбәгеннән 1000нән артык спортчы катнашачак, ә 11 000 казанлы һәм шәһәр кунаклары тамаша кылачак.

Уеннар программасында спортның 5 төре буенча ярышлар планлаштырыла: баскетбол (3x3 дисциплинасы), Велосипед спорты (ВМХ–фристайл–парк, BMX-ритм-трек, BMX-фристайл-флэт), спорт роллеры (скейт-кросс, роликлы тимераякта, тиз йөрешле слалом), скейтбординг (урам, парк), бию спорты (брейкинг).

Спортчылар 54 комплект медаль өчен көрәшәчәк. Башка ярышлар да планлаштырылган: Street floorball league (3*3) флорбол буенча турнир; стритбол буенча турнир; трюк самокаты, Һава-көч атлетикасы буенча ярышлар (воркаут).