Көмеш кыңгырау

Казан укучылары яшь экологларның халыкара Слеты финалистлары булдылар

19-25 июльдә Беларусь һәм Россия Яшь экологларының «Чикләрсез Экология» слеты булып узды. 

Конкурсның федераль этабында Россиянең 25 субъектыннан 14-17 яшьлек 103 укучы катнашты. Конкурс нәтиҗәләре буенча Россия командасы составына Татарстаннан 5 унынчы сыйныф укучысы сайлап алынды. Болар – Казан шәһәре Совет районының аерым фәннәрне тирәнтен өйрәнүле 86 нчы урта гомуми белем бирү мәктәбе укучысы Юлианна Ягъфәрова ("Гидробиология" тематик юнәлеше), Казан шәһәре Вахитов районының "Кояш" махсуслаштырылган олимпиада-фәнни үзәге укучысы Евгения Павлова ("Орнитология" тематик юнәлеше), 83-нче лицей укучысы Надежда Максимова ("Энтомология" тематик юнәлеше), Казанның Совет районы аерым фәннәрне тирәнтен өйрәнүле 86 нчы урта гомуми белем бирү мәктәбе укучысы Егор Маклеев ("Туфрак белеме" тематик юнәлеше), КФУның Н.И. Лобачевский исемендәге Лицей интернат-мәктәбе укучысы Екатерина Бородачева ("Ботаника" тематик юнәлеше).

2006 елдан «Чикләрсез Экология» слеты ике елга бер генә тапкыр уздырыла. Слет союздаш дәүләт чарасы булып тора. Традиция буенча ул ике ел дәвамында, бер ел Беларусь территориясендә, икенче елда Россиядә үткәрелә. Традиция буенча, үткәрү мәйданчыклары булып Россия Федерациясенең һәм Беларусь Республикасының төрле аеруча саклана торган табигый территорияләре хезмәт итә. Биредә укучылар аеруча саклана торган территорияләр эшен оештыру принциплары белән практикада танышырга һәм кыргый табигатьнең кагылмаган почмакларын күрергә, кыр тикшеренүләре тәҗрибәсен алырга уникаль мөмкинлеккә ия.

Быел аны үткәрү урыны итеп Идел буе территориаль дәүләти табигый биосфера тыюлыгы территориясе сайланды. Слетта Россия Федерациясе һәм Беларусь Республикасыннан 70кә якын укучы катнашты.

Катнашучылар өчен зур программа әзерләнгән иде: экскурсияләр, квестлар, спорт ярышлары, дискотекалар, кызыклы кешеләр белән очрашулар һ. б.

Слет программасының төп вакыйгасы яшь экологлар конкурсы булды, ул теоретик һәм практик турларны, йомгаклау экспедициясен үз эченә алды. Катнашучылар  35 кыр тикшеренүе үткәрде, аларның нәтиҗәләре йомгаклау конференциясендә тәкъдим ителде.

Ярыш нәтиҗәләре буенча җиңүчеләр һәм призерлар билгеләнде.

Безнең укучылар слет финалына чыкты. Йомгаклау этабы нәтиҗәләре буенча призерлар:

Надежда Максимова, Казан шәһәре 83 нче Лицей - мәгариф үзәге укучысы (III урын, "Энтомология" тематик юнәлеше);

Юлианна Ягъфәрова, Казан шәһәренең аерым фәннәрне тирәнтен өйрәнүле 86 нчы урта гомуми белем бирү мәктәбе укучысы-Казан шәһәре Совет районының "Танкодром" балалар иҗаты үзәгендә тәрбияләнүче (IV урын, "Гидробиология" тематик юнәлеше).

Россия командасының "Орнитология" тематик юнәлешендә абсолют җиңүчесе (I урын) Казан шәһәренең "Кояш" махсуслаштырылган олимпиада-фәнни үзәге, сәләтле балалар өчен урта гомуми белем бирү интернат-мәктәбе укучысы Евгения Павлова булды.


Чыганак: https://mon.tatarstan.ru/tat/index.htm/news/2109735.htm

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: