Югары уку йортларында олимпиадачылар өчен бюджет урыннарына квота кертәчәкләр

Россия Мәгариф һәм фән министрлыгы югары уку йортларындагы бюджет урыннарының күп өлешен мәктәп олимпиадаларында җиңүчеләр һәм призерлар алып бетерә торган вәзгыятьне бетерәчәк. Бу хакта ведомствога сылтама белән ТАСС хәбәр итә.

Бары тик 11 сыйныф олимпиадалары һәм 1-2 дәрәҗәдәге укучылар олимпиадалары җиңүчеләре һәм призерлары гына укырга керү сынауларыннан башка кабул ителә алачак, дип билгеләп үтелә хәбәрдә.

«Укырга керү сынауларыннан башка кабул итүчеләргә әзерлек һәм белгечлекләрнең һәр юнәлеше буенча бюджет урыннарының гомуми саныннан 70 проценттан да артык булмаган квота билгеләү күздә тотыла», — диелгән министрлык хәбәрендә.

Тулырак: https://tatar-inform.tatar

Фото: © Салават Камалетдинов / ИА «Татар-информ»