«Глаголица» халыкара әдәби премиясенең 10нчы юбилей сезонына старт бирелде

10 нан 17 яшькә кадәр (17 яшьне дә кертеп) егетләр-кызларны иҗади мөмкинлекләрен күрсәтергә һәм әдәби талантларын танытырга чакыралар.

Конкурсның җиңүчеләре һәм призёрларына кыйммәтле бүләкләр, әсәрләрен аерым альманахта бастырып чыгару һәм Казанда үтәчәк әдәби сменада түләүсез катнашу мөмкинлеге биреләчәк.

Әлеге премия күптән инде балаларның иҗат дөньясында иң танылган һәм абруйлы премияләрнең берсе санала. Елдан ел ул тагын да күбрәк талантлы һәм максатчан яшь авторларны үзенә җәлеп итә. Былтыр бөтен дөнья буйлап бәйгедә 2212 кеше катнашты.

Конкурс бушлай.

Эшләрнең темалары чикләнмәгән. Бәйгедә шигърият, чәчмә әсәр, эссе, комикслар, пьесалар, сценарийлар һ.б. белән катнашырга мөмкин. Үзеңне «Инглиз теленнән рус теленә әдәби тәрҗемә» өлкәсендә дә сынап карарга мөмкин. Проза белән поэзия татар һәм рус телләрендә кабул ителә.

Балалар өчен «Глаголица» бәйсез әдәби премиясе турында тулырак мәгълүмат https://www.glagolitsa-rt.ru/ сайтында.