Фаил Исламны искә алып...

Кызганыч, менә ике ел инде без Фаилсез генә яшибез. Аның көләчлеге, шаянлыгы, балаларча беркатлылыгы, ташып торган энергиясе җитеп бетми... Үзеннән соң якты хатирәләр, матур иҗади мирас калдырды ул. 

Без аны бик тә юксынып искә алабыз. Рухы шат булсын! 

Синең җырлар...
Синең хыялларың...
Синең кулны сизгән кылкаләм...
Ничек якын икән, җылы икән
Фаил Ислам дигән бу Галәм.

Анда төснең
иң-иң җетеләре!
Иң тапкыры, җоры сүзләрнең...
Бу Галәмдә Вакыт чиге булмас -
Хәтер саклар синең эзләрне...
Лилия Фәттахова шигыре.