Чаллыда Илдар Юзеев исемендәге әдәби-иҗтимагый премиянең 2022 елгы лауреатлары ачыкланды

Илдар Юзеев исемендәге премия бер ел эчендә «Мәйдан» журналында басылып чыккан иң яхшы әсәрләрнең авторларына һәм шулай ук, «Мәйдан» журналын яшәтүгә, аның абруен күтәрүгә зур көч куйган журнал редакциясе хезмәткәренә һәм озак еллар дәвамында «Мәйдан» журналына яздыру буенча булышлык күрсәткән һәм милли матбугатка ярдәм иткән эшмәкәрләргә тапшырыла.

Быелгы лауреатлар:

Мамадыш районында яшәп иҗат итүче Рафаил Шәкүр улы Газизов,

Башкортстанда яшәүче шагыйрә, галимә Лилия Рәшит кызы Сәгыйдуллина,

Язучы, шагыйрь, мөгаллим, Язучылар берлегенең Чаллы бүлеге җитәкчесе Факил Миңнемөхәммәт улы Сафин,

Язучы, "Мәдәни җомга" газетасы баш мөхәррире Вахит Шәих улы Имамов,

"Әнәк" агрофирмасы генераль директоры Фарис Гаяз улы Фәтхиев,

Башкортстанда яшәүче эшмәкәр Фәнир Гыйльметдин улы Галимов.