Көмеш кыңгырау

Чаллы шәһәренең Мулланур Вахитов исемендәге 2нче гимназиясендә Г.Камал театры артистлары белән җанлы очрашу үтте

Камал театры артистларының әлеге гимназиядә күп тапкырлар булганнары бар. Бу юлы балалар белән очрашырга ТР халык артистлары Әсхәт Хисмәтов, Илдус Габдрахманов, ТР атказанган артистлары Илтөзәр Мөхәммәтгалиев, Ләйсән Рәхимова, Рамил Вәҗиев һәм Ирек Кашапов килде.

Балалар Әсхәт һәм Ирек абыйларының моңлы җырлауларын, Илтөзәр абыйлары белән Ләйсән апаларының күрәзәче белән журналист булып уйнавын, Рамил абыйларының шигырь сөйләвен, Илдус абыйларының ут яндырып биюен бик ошаттылар. Артист абыйларының һөнәр сайлау буенча киңәшләре бик файдалы булды. Гимназиянең «Тылсым» театр түгәрәгенә йөрүче балалар үзләре дә «Яратылмый калган ярлар» дигән спектакль күрсәттеләр.

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: