Чаллының татар матбугаты үзәгендә яшь журналистлар кунакта булды

"Көмеш кыңгырау", "Мәйдан", "Шәһри Чаллы" редакцияләрен берләштергән Чаллының татар матбугаты үзәгенә бүген 2нче гимназиядән кунаклар килде.
Яшь журналист түгәрәгенә йөрүче укучылар редакцияләрнең «кухня»сы белән танышты, үзләрен кызыксындырган сорауларны бирде. (Видеолар Вконтакте челтәрендә)
«Шәһри Чаллы» редакциясе оештырган туры эфирда алар үзләре дә шигырьләр һәм җырлар башкардылар. Шулай ук балалар журналистлардан мини-интервьюлар да алдылар.

2нче гимназиядә эшләүче яшь журналистлар түгәрәге җитәкчесе Нурисламова Энҗе Әзһәмовна әлеге очрашуны оештырган өчен Чаллы матбугат үзәге вәкилләренә рәхмәтләрен җиткерде һәм мөхәррирләргә рәхмәт хатлары, укучылар иҗатыннан торган җыентыклар тапшырды.