Катнашучыларга милли гаилә ризыгы әзерләргә һәм шәҗәрә презентациясе белән концерт номеры башкарырга туры киләчәк. Казанлылар «Без тарихта эзлебез» фестивалендә катнаша ала. Муниципаль этапка гаризалар 5 нче февральгә кадәр кабул ителә, дип хәбәр итә Казан Башкарма комитеты Муниципаль архив идарәсе.

Катнашучыларга жюрига милли гаилә ризыгы әзерләргә һәм тәкъдим итәргә, шәҗәрә презентациясе белән концерт номеры башкарырга кирәк. Номер үз эченә бию, җыр, спектакль, гаилә милли костюмы презентациясен алырга тиеш. Нәсел агачында гаилә династиясе тасвирламасы, истәлекләр һәм коллекцияләр турында материаллар, гаилә тормышыннан кызыклы фактлар булырга тиеш. Нәсел шәҗәрәсен альбом, стенд, панно яки текст белән баннер-коллаж рәвешендә рәсмиләштерергә кирәк.

Фестиваль өч этапта узачак: муниципаль, зона, республика этабы. Ул ТР Дәүләт архив эше комитеты тарафыннан оештырылган. Фестивальне уздыруның максаты – гаилә традицияләрен саклау һәм үстерү,туганлык элемтәләрен һәм буыннар дәвамчанлыгын ныгыту.

KZN.RU порталы бүлегендә фестиваль турында тулырак мәгълүмат белергә, шулай ук гариза бирү шартлары белән танышырга мөмкин.

https://kzn.ru/meriya

Фото: Денис Гордийко