5-6 ноябрьдә JADIDFEST – яңа шәһәр татар мәдәнияте фестивале узачак

Аның төп темалары: ата-аналар белән балалар арасындагы мөнәсәбәтләр, тел тәрбиясе. Фестивальнең төп теле – татар. Быел да без иң нәни кунакларны, аларның әти-әниләрен һәм мәктәп укучыларын көтеп калабыз, дип хәбәр итә оештыручылар Вконтактедагы төркемнәрендә.

Программада:

• «Казан каһарманнары» комикслар лабораториясе,
• балалар өчен чиллаут аланчыгы,
• «Тел ачылу: гаиләдә, урамда» очрашулары,
• «Сәгать саен бер җыр» лабораториясе,
• яшүсмерләр оешмалары һәм проектлары белән танышу,
• җенси тәрбия турында психолог белән әңгәмә,
• яшүсмерләргә багышланган кинолар марафоны,
• татарча «Укымыш»,
• бергә китап ясау остаханәсе,
• мини-спектакль ясау,
• шигырь лабораториясе һәм китап ярминкәсе.

*JADIDFEST беренче тапкыр 2015нче елда оештырылды. Аның кысаларында дизайнерлар, рәссамнар, музыкантлар, биючеләр, шагыйрьләр, активистлар яңа форматларны тикшерәләр. JADIDFEST фестиваленең соңгы еллардагы темалары – Яңа татар бистәсе тарихы һәм Казан сулыклары иде.

Көннең кыскача яңалыклары безнең телеграм-каналда https://t.me/chelny_rt

Без Вконтактеда https://vk.com/komesh_kingiray