Көмеш кыңгырау

Ут, диеп ялгышма!

Ышыкла, арала нахактан. Көч алыйм тылсымлы җылыңнан...

"Ут, диеп ялгышма!
Күзләргә ягылган,
Йөзләрдә чагылган ул бары -
Яндырган күперләр яктысы!
Син тыңла! Син аңла! Чамала!
Сүрелсен өметең чаткысы! "
- Диясе урында...
Нигә, дип, мин биим, аңышмый,
Саташкан көзләрең учында?
Нигә соң мин көләм бу кадәр
Шашынган бер исәр шикелле?
Кып-кызыл миләшләр татлыдыр...
Бозларын эретү икеле...
Ышыкла, арала нахактан.
Көч алыйм тылсымлы җылыңнан...
Үзем дә аңламый түгеләм
Сап-сары өрәңге җырыннан...

Ландыш Габдрахманова.

Нравится
Поделиться:
Реклама
Комментарии (0)
Осталось символов: