​ Туган як кылганы

Кылганнар җилферди җилләрдә,
Кылганнар далалы җир­ләрдә.
Урманлы-далалы туган як,
Кылганнар сагынып ка­йткан чак.

Кылганнар – туган як сафлыгы,
Кылганнар – күңелем аклыгы.
Кылганның чәчләре ча­ларган,
Кылганның йөзләре аг­арган.

Юк кына җилдә дә тир­бәлә,
Йөрәге борчулы: сизе­лә.
Кылганнар тарихтан килгәннәр,
Кылганнар бик күпне күргәннәр.

Кылганнар​ күзендә сагыш-моң,
Кылганнар эндәшми, алар тын.
Каршылый, озата бары­сын,
Беләме кем кая барас­ын?!

11.06.2019 ел.

Рәзинә Мөхияр.