Резеда Зәйниева (Гобәева) шигыре.
Мин бу көзне сиңа охшатам:
Синең кебек кискен, дуамал...
Кыздыра да утлар ягып җанга,
Аннан салкын өреп куана...
Көзнең күзләрендә - синең төсең:
Аңлар булып багам аларга -
Мин үземне эзлим шул күзләрдән -
Яшьлегемне телим табарга...
Мин бу көздән сине танып алам -
Табып алам синең төсеңне...
Җилдә очкан яфрак шикелле,
Көзләр саклый тәүге хисемне...
Мин көзләрне сиңа охшатам...
Резеда Зәйниева (Гобәева).
Безнең телеграм каналга язылыгыз «Көмеш кыңгырау»
Нет комментариев