Лачыннар җиңү яулый
Сезнең каршыгызда – Актанышның «Лачын» хоккей командасы. Егетләр, 9-14нче октябрьдә Волгоград өлкәсенең Волжск шәһәрендә узган «Олимпия өметләре» Союздаш дәүләт спартакиадасында катнашып, бронза медальгә лаек булды.
Финал матчында алар Вологда командасы белән очрашты. Һәм, нәтиҗәдә, мавыктыргыч уен күрсәткәннән соң, 7:5 исәбе белән җиңү яулады.
Россия-Белоруссия уенчылары бәйгесеннән кайтучыларны район башлыгы Ленар Зарипов, әти-әниләр һәм җанатарлар алкышлап каршы алды.
Тиздән егетләрне яңа сәфәрләр көтә. «Лачын» хоккей командасы Ессентуки шәһәрендә узачак мәртәбәле ярышларга җыена.
Сезнең белән бөтен Татарстан горурлана, киләчәктә дә яңадан-яңа үрләр, җиңүләр сезгә, лачыннар! Бөркет канаты очканда ныгый, диләр. Һәрчак шундый бердәм, тырыш, җитез булыгыз!
Актаныш матбугат хезмәте фотолары.
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев