Вакыт җиле

Вакыт дигән төшенчә

Ялкау түгел, минемчә.

Тик эше генә аның

Килеп чыга төрлечә.

Вакыт бара да бара,

Ул бер дә туктый алмый.

Аның барасы ара -

Чиген дә әйтеп булмый.

Дөньяда бер ул гына -

Ягулыксыз двигатель.

Әйбер урынын белә

Шуңа күрә ул – гадел.

Авыр чор – төньяк җиле.

Ничә кат кием аша

Үтеп чыга ул сине

Ашыкмыйча, кумыйча.

Сизелмичә үткән мәл –

Ул синең эшле чорың,

Җылы җил кебек исәр

Эш белән үткән гомер.

“Вакыт бара, тизрәк бул!” – дип,

Ашыкмасыннар иде.

Җылы, салкын җилләрдә

Вакыт җиленең тәме!

Әмирнең шәхси блогы