Ул җирдә иң шәп кеше, шәп кеше, гаҗәп кеше!

Минем әтием фермер

Тавык-әтәчләр карый.

Мин дә аңа булышам,

Кош-кортларны карашам.

Илдан Муллагалиев

***

Минем әти агроном,

Басуларны тикшерә.

Көн дә басуда йөреп,

Игеннәрне үстерә.

Камил Шакиров

***

Минем әти калайчы,

Матур койма коючы.

Калай белән тәрәзәгә,

Матур рамнар куючы.

Мин дә аңа карыйм да,

Кәгазьдән бизәк сызам.

Әтиемә охшыйм диеп,

Өемне бизәп куям.

Ралина Сираева.

***

Табиб булу җиңел түгел,

Тырыш булырга кирәк.

Минем әтием кебек,

Яхшы табиблар кирәк.

Яратам мин әтиемне,

Аңа догалар укыйм.

Аны һәркөн искә алам,

Аның турында уйлыйм.

Фирас Нассер

***

Минем әти йөк ташучы,

Такта, цементлар ташый.

Кибетләргә тарата да,

Эштән кич кенә бушый.

Мин аны бик яратам,

Көтеп алам кайтканын.

Ул кайтуга киң итеп,

Ачып куям капканы.

Тимур Хаҗиев

***

Ерак юлдан көн саен,

Йөк ташый минем әти.

Зарыгып көтеп алабыз,

Мин, апам һәм әни.

Илдан Харисов.

***

Моңлы итеп һәркөн саен,

Азан әйтә әтием.

Һәр кешегә иман теләп,

Дога кыла әтием.

Гомәр Моратов.