Укытучым минем, тәрбиячем, мактауларга лаек кеше син!

2023 ел – Россиядә укытучылар һәм остазлар елы.

Укытучы! Нинди горур исем! "Яшь буынның киләчәге, аларның язмышы укытучы кулында, аның алтын йөрәгендә", - дигән бөек рус язучысы Александр Фадеев.

Классыбыз белән бергәләп “Көмеш кыңгырау” газетасын яратып укыйбыз. Татар теле һәм әдәбияты  укытучыбыз Айсылу Илдус кызы җитәкчелегендә “Каурый каләм” түгәрәгенә йөрибез.

Безнең мәктәптә “Укытучы һәм остаз елы”на багышлап күп чаралар планлаштырыла. Мәсәлән, укытучылар хакында иншалар, фото, рәсем конкурслары, хөрмәтле укытучыларыбыздан интервьюлар алу һ.б.

Атлап кергәч, мәктәп бусагасын,

Елмаюың белән каршы алдың син.

Укытучым минем, тәрбиячем,

Мактауларга лаек кеше син.

Безгә белем бирү генә түгел,

Йөрәк җылысын да бирүче.

Белем чишмәсенең йөзек кашы,

Зиһеннәргә аңнар төрүче.

“Каурый каләм” түгәрәге әгъзасы Сәетгәрәева Илиза

Иң мәгънәле һәм хөрмәтле,

Иң катлаулы һәм кирәкле.

Һәр сабыйга юл ачучы,

Укытучы һөнәре!

“Каурый каләм” түгәрәге әгъзасы Хуҗина Зилә