Туган тел

Анам телендә сөйләшеп,
Җырлап, уйнап яшибез.
Данлы илнең — Ватанымның
Сөекле баласы без.

Әнкәм теле — татар теле,
Бишектән иңгән тел.
Шатланып яшәр өчен,
Үз телеңне яхшы бел!

Татар теле — дәүләтебез,
Чал тарихлы Татарстан.
Милләтем сакланып калган,
Төрле хәлгә карамастан.

Безнең ил бик күп милләтле,
Хөрмәт итик барысын.
Һәрбер кеше үз йоласын,
Кадерләсен, сакласын.

Әби-бабай, әти-әни,
Туган телне биргәннәр.
Еллар буе саклап килеп,
Сәйлән итеп үргәннәр.

Туган телем күп гасырлы,
Моңлы бер дөнья иле.
Йөрәкләрдә яши безнең,
Тукай теле — татар теле.

Хәсәншина Резеда Равилевна, Чаллы.