Табигатьне саклыйк, дуслар!

Табигатьне саклыйк, дуслар,
Ул бит уртак йортыбыз.
Ул бит сулар һавабыз,
Ул бит эчәр суыбыз.

Без табигать балалары,
Җир ул — безнең анабыз.
Тирән яралар калдырып,
Сез җирне сулдырмагыз.

Урманнарны да кисмәгез,
Далаларны сөрмәгез.
Сулыкларны саклагыз,
Һаваны пычратмагыз.

Ачуланыр җир-анабыз,
Рәнҗер, сулар, кибәчәк.
Болай да үз хөкемен
Әйтте безгә киләчәк.

Гүзәл Хаҗиева, Балтач районы, Г.Г. Гыйльметдинов исемендәге Смәел урта мәктәбе, 9нчы сыйныф.

Безнең телеграм каналга язылыгыз «Көмеш кыңгырау»