Рәхмәт, әни, сиңа барысы өчен!

Әнием
(Үзем иҗат иткән шигырь)
Тугыз ай буе көтеп алган ул, 
Йокысыз төннәрен кичергән. 
Аның кебек беркем борчылмый.
Әле ярый бар әни бу җирдә! 

Ул булмаса, мин дә булмас идем
Ул бит миңа биргән гомерне! 
Күпме ярату, күпме җылылык.
"Әни" дигән сүздә мәгънә күпме! 

Мин бурычлы әниемә гомер буе,
Безнең өчен куя ул бар көчен. 
"Кызларым" дип тырышып яшәдең, 
Рәхмәт, әни, сиңа барысы өчен!

Актаныш районы Аккүз мәктәбенең 9 нчы сыйныф укучысы Мөхәмәтҗанова Нәркизә.