Рәхим ит, кыш!
42нче мәктәпнең 3 нче сыйныф укучысы Вәлиева Ильвина шигырьләре.
Рәхим ит, кыш!
Бүген кышның тәүге көне,
Урамда салкын һава.
Бөтерелеп уйный-уйный
Ак мамыктай кар ява.
Ялтырый ут яктысында,
Җемелди йолдыз кебек.
Кулга алсаң, кар бөртеге
Шунда ук бетә эреп.
Кыш әле яңа башлана,
Ул өч ай кунак булыр.
Кар-бураннары белән
Бар дөньяны тутырыр.
Шаянкай.
Әби-бабайга кунакка
Без авылга кайтканда,
Юлыбызга куян чыкты,
Әй чаба соң, әй чаба.
Туннарын да алыштырган,
Ап-ак булган ул хәзер.
Аяклары шундый җитез,
Озак чабарга әзер.
Сикерде дә юл читенә
Качты озын колаккай.
Шаянкайның артларыннан
Уйнап калды буранкай!
Вәлеева Ильвина, 42нче мәктәпнең 3 нче сыйныф укучысы.
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев