Өч сүз

Дөньяда мин яраткан
Сүз буладыр бары өч.
Янадыр ул ялкын кебек,
Бардыр анда дәрт һәм көч.
Мин яраткан сүзләрнең
Беренчесе — «әнием».
Иркәлидер һәрвакыт:
«Минем», — диеп, — «нәнием».
Мин яраткан сүзләрнең 
Икенчесе — «әтием».
Әтиемнең әйбәтлеген
Ничек кенә әйти(е)м.
Мин яраткан тагын бер сүз
Ул булыр «укытучым».
Ни сорасаң, җавап бирә,
Зурдыр аңа бурычым.

Зиннәтова Хәят Фәннүр кызы, «Адымнар-Алабуга» күптелле белем бирү комплексының 5 нче сыйныф укучысы.

Укытучысы — Тимофеева Татьяна Вячеслав кызы, татар теле һәм әдәбияты укытучысы.