Көмеш кыңгырау

Республика балалар һәм яшүсмерләр газетасы

18+
2024 - Гаилә елы
Укучылар иҗаты

Минем әни, һич бәхәссез, иң сөйкемле әни ул!

Ютазы урта мәктәбенең 5нче сыйныф укучысы Нурсәетова Айгөл әнисен бәйрәм белән котлый.

Минем әни, һич бәхәссез,

Иң сөйкемле әни ул!

Әйткән сүзе,

Кылган эше –

Һәммәбезгә туры юл.

Минем әниемнең исеме - Люция. Ул безнең Акбаш авылы мәктәбендә эшли. Әниебез - безнең өчен иң кадерле кеше. Чөнки ул киң күңелле, шәфкатьле, бар яктан уңган әни. Ул  тәмле-тәмле ризыклар әзерли. Безгә һәрвакыт үзенең акыллы  киңәшләре белән  булыша, кул эшләренә өйрәтә.

Буш вакытларында әни безнең белән  чанада, чаңгыда, тимераякта  шуа. Ә җәй көннәрендә без бергәләп бакчада матур  чәчәкләр, төрле яшелчәләр үстерәбез. Аның белән безгә бик күңелле һәм бик рәхәт.

Безгә, өч кызына, әниебез олы таяныч һәм үрнәк! Мин әниемне бик-бик яратам, аның йөзендә һәрвакыт шат елмаю балкуын гына телим!

Нурсәетова Айгөл, Ютазы районы, Ютазы урта мәктәбенең 5нче сыйныф укучысы.

Следите за самым важным и интересным в Telegram-каналеТатмедиа

Безнең телеграм каналга язылыгыз «Көмеш кыңгырау»


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев