Мин «үстергән» чәчәкләр (комикс)

Бүген шундый матур язгы көн. Камил әнисенә лалә чәчәкләре сатып алырга җыена, бүген бит әнисенең туган көне. Ә әнисе лалә чәчәкләрен бик ярата.

Камил чәчәк кибетенә керде. Тик караса, анда лалә чәчәкләре юк. Икенчесенә керсә шул ук хәл. Ә әнисе нәкъ лалә чәчәкләрен ярата бит!

Ул моңсуланып, өй янындагы зур кибеткә керде. Камил анда бөтен нәрсә дә сатыла дип уйлый. Ул эзләнеп кибет буйлап атлады.

Караса, каршында лалә чәчәкләре!

— Ә нигә аннан сабын исе килә?
— Чөнки ул сабыннан ясалган.

Камил шатланды. Бәягә карады. Эх, акчасы җитми икән!

Шулвакыт, Камилгә бер идея килде. 

Ул төрле төстәге сабыннар сатып алды. Кызылын да, яшелен дә, сарысын да. Аны бит мәктәптә сабыннан әйберләр ясарга өйрәттеләр.

Кайтып, ул сабыннарны эретте. Һәм төрле төстәге лаләләр ясады. 

Әнисе кайткач, менә шундый матур лаләләр букетын күрде.