Кыш көне күңелле!

Кыш көне күңелле!
Кыш көне иң күңелле,
Иң рәхәт бер чак була.
Суыкны да онытып,
Тау шуа бала-чага!
Кашапова Зилә

Тәңкә карлар ява!
Тәңкә карлар явып үтте җиргә,
Бар җиһанны күмеп аклыкка.
Сөендереп безне, тауга дәшеп,
Күңелләрне төреп шатлыкка.
Әмиров Самат

Ап-ак карлар.
Кышкы таңнар,
Ап-ак карлар,
Күңелдә сихри моңнар.
Шул матурлыкка сокланып,
Туадыр яңа җырлар.

Кыш килде!
Кыш килде,
Уйный кар-буран.
Дусларым белән
Мин таудан шуам!
Кар бөртеге бөтерелә,
Учларга куна.
Кышкы салкыннан
Битләрем туңа.
Фәтхетдинова Нәзилә

Ак чәчәктәй карлар ява!
Ак чәчәктәй җиргә карлар ява,
Бөтен дөнья нурга күмелгән.
Кар җемелди күзне камаштырып,
Әйтерсең лә, энҗе сибелгән.
Сагынып көткән малай- кызлары да,
Уйнар өчен тышка йөгерә.
Салкын гына карап табигатькә,
Кояш көлә зәңгәр күгендә.
Мөхәмәтов Раил.