Көзге җил

Көзге җил
Әкрен генә җилләр исә,
Күктә – кыргый үрдәкләр.
Җылы якка очып китте
Казлар, торна, ләкләкләр.

Су буйлары тып-тын калды,
Ишетелми бакалар.
Агачлардан җил очыра
Сары, кызыл яфраклар.

Көзге җилләр алып килде
Безгә кышның сәламен.
Урамнарда алтын төсләр -
Табигатьнең бәйрәме!

Мөхтәсимова Әминә, Яр Чаллы, 5 «Л» сыйныфы, «Ак каурый» түгәрәге әгъзасы

Көз
Җиргә кабат көз килде,
Бөтен җир кызгылт-сары.
Көз айлары бик юмарт
Җиләк —җимеше баллы.

Быел көз җылы килде,
Кояш назына төрде.
Мәктәптә яңа дуслар —
Күңелгә шатлык иңде.
Гатина Фәридә, Яр Чаллы, 5 «Л» сыйныфы, «Ак каурый» түгәрәге әгъзасы.

Җитәкчеләре: Вагыйзова Гөлия Наил кызы