Көләч йөзле әнием

Минем әниемнең исеме - Эльвира.

Алар минем әтием белән бергә безне – 4 баланы үстерәләр. Минем әнием көләч йөзле, бик тиз уртак тел таба белә. Мәктәптә укыган чагында бик күп китаплар укырга яраткан. Аның иң яраткан дәресе математика булган. Әнием пешеренергә ярата. Ул безне тәмле әйберләр пешереп сыйлый. Әнием кибеттә сатучы булып эшли, аны бар кеше дә хөрмәт итә. Мин әниемне бик нык яратам, аңа сәламәтлек телим.

Хаертдинова Айгөл.

Минем әниемнең исеме - Гөлнара.

Ул бик ягымлы, көләч йөзле, тырыш. Ул әтием белән бергәләп, мине һәм абыем Камилне тәрбиялиләр. Мин үзем 4нче сыйныфта, абыем 9нчы сыйныфта укыйбыз. Әнием безнең мәктәптән кайтуга тәмле ризыклар әзерләп куя. Бергәләшеп чәй эчкәч, без әнигә мал карарга, кар көрәргә булышабыз. Эшләр беткәч, бергәләп телевизор карыйбыз, китаплар укыйбыз. Без әниебезне бик яратабыз, аңа исәнлек-саулык, әтиебез белән бергә тигез тормыш телибез.

Абдурахманова Камилла.