Их, кайтасы иде балачакка!

Балачак – ул бик матур вакыт. Балачакта уйнарга, хыялланырга, күңел ачарга һәм тылсымлы әкиятләр укырга мөмкин. Балачак якты төсләргә бай. Ул бер сихри ил, анда барысы да гади һәм кызыклы тоела.

Без чынлыкта булмаган бар нәрсәгә ышанабыз. Без балачагыбызны һәрвакыт якты хатирәләр белән искә алабыз. ”Их, кайтасы иде шул вакытка!” - дип әйткән чаклар да күп була.

Сагындыра ул бәхетле, бер кайгысыз балачак! Барлык балаларга да бэхетле балачак, якты киләчәк насыйп булсын!

Үзем турында, мин – Галиуллина Камилә, Зәй районы Түбән Биш мәктәбендә укыйм, 10нчы классны тәмамладым. Буш вакытларымда кулыма каләм алып, күңелемдә туган хисләрне кәгазьгә язам.