Ияләште бер песи

Ияләште бер песи
Ишек алдына килде дә, 
Ияләште бер песи.
Әй мыяулый, әй мыраулый
Сыйпамый йөрәк түзми.

Ачыккансың, дип әнием
Ашлар бирә үземә.
Ашыйм да бераз калдырам
Мырауҗанның үзенә.

Бәхет ярмасын калдырма, 
Ашап бетер, кызым, ди.
Бәхет ярмам зур үссен дип 
Песине сыйлыйм, әни.

Төнге буран
Кич күк йөзе тыныч иде
Бер мәлне чыкты буран.
Өй стенасын ятып кыйный
Әйтерсең, үче булган...

Дулап ала вакыты белән
Тәрәзәләргә чиртә.
Мин ятам юрган астында:
«Кайчан соң иртә җитә?»

Иртән чыксам, бер тавыш юк
Буран соң кайда булган?
Ишек алды, бакча, канау
Бар да кар белән тулган.

Шәкүрова Иркә, Актаныш районы, Иске Байсар авылы, 13 яшь.