Яз җыры һәм Яңгыр

Яз җыры

Язгы яңгыр шифа булып ята,

Яз сулышын янә чистарта.

Шомырт чәчәге төнне яктырта,

Яшь йөрәкләрдә сөю кузгата.

Язгы яңгыр шифа булып ята,

Сандугачларны моңлы җырлата.

Тереклекне кабат кузгата да,

Күңелләрдә моң һәм дәрт уйната.

Язгы яңгыр шифа булып ята,

Табигатьнең йөрәген  яңарта.

Гүзәллек һәм ямь көн саен арта,

Яз җыры ихлас хисләр уята. 

Әдилә Закирова, 8нче сыйныф.

Яңгыр

Кояш җыйды нурларын,

Яшен яшьни  камчылап.

Болытлар сагыш- зарын

Җиргә түгә тамчылап.

Хәттә җил дә туктаган,

Яңгыр көченә таң калып.

Кошлары да тын калган.

Сайрамыйлар моңаеп.

Бу яңгыр алган көчен,

Явар җирне шифалап.

Кояш та чыгар кичен,

Бар дөньяны матурлап. 

Алинә Рафикова, 8нче сыйныф.