Ямь табыйк

Ямь табыйк
Күктә болыт агыла,
Тамчылары коела.
Әллә көз инде елый?
Миңа шулай тоела.

Көз, алтыным, елама,
Кыш җитә дип моңайма.
Кулыңда ич вакытың
Аны һич тә югалтма.

Чыксын кояш елмаеп,
Куансын бар күңелләр.
Коелса да яфраклар,
Алар җирне бизиләр.

Яңгырга да шатланыйк,
Юк-бар белән уфтанмыйк.
Яңгырлы салкын көзнең 
Ямен табып рухланыйк.

Мөхтәсимова Әминә, Чаллы, 5 «Л» сыйныфы, «Ак каурый» түгәрәге әгъзасы.

Сәер көз
Очрады миңа юлда кара карга,
Ник китмәгән ул җылы якларга.

Яз җитү белән, туган якларга
Тәүге кайтучы — ул кара карга.

Көзләр җиткәнен әллә белмиме,
Туган җиреннән китәсе килмиме?

Әллә адашкан инде бу карга,
Ничек чыдар соң, салкын ак карга.

Әйтеп тә булмый, телем аңламый,
Кусам да китми, мине тыңламый.

Кара каргадай ашыйкмый кыш та,
Ноябрь үзе. Ә җылы тышта!

Закирова Әдилә, Чаллы, 9 «Л» сыйныфы, «Ак каурый» түгәрәге әгъзасы.