Аңлашылмый бу халәт

Җуйдым өмет йолдызымны,
Таркалды бар хисләрем.
Нәрсә булды, бернигә дә 
Китми минем исләрем.

Үзем болай, карап торсаң,
Шук кебек күренәмдер,
Тик күңелдә әллә нәрсә,
Хисләрем сүреләдер.

Әллә нинди аңламаслык
Булып чыкты бу халәт.
Йөрәгемне телгәләде,
Югалды миндә сәләт.

Ташладым мин язуымны,
Баш тарттым жырлавымнан,
Музыка коралларын да
Алып куйдым каршымнан. 

Язмыйм дидем, җырламыйм да,
Югалды миндә сәләт.
Әллә нинди, яман нәрсә,
Аңлашылмый бу халәт. 

Камилә Әхмәдиева — Балык Бистәсе районы Күгәрчен урта мәктәбенең 11 нче сыйныф укучысы.